IELTS имтиҳонига тайёрланишда нималарга эътибор бериш керак?

IELTS (International English Language Testing System) — бу инглиз тили бўйича билим даражасини текшириш учун мўлжалланган инглиз тилини синовдан ўтказиш халқаро тизими. Айни пайтда IELTS сертификатини олиш нафақат чет элда ўқиш ва ишлаш учун, балки Ўзбекистонда олий таълим муассасаларига ўқишга кириш ёки нуфузли лавозимга ўтиш учун ҳам зарурдир. Мақоламизда биз имтиҳонга тайёрланишнинг мақбул йўллари ҳақида гапирамиз.

IELTS форматига тайёрланишни бошлашдан олдин ўз-ўзингиздан инглиз тили даражангиз зарур баллга даъвогарлик қилиш учун етарли ёки етарли эмаслигини сўранг. Тилни қай даражада билишингизни мана бу сайтда аниқлашингиз мумкин: http://www.cambridgeenglish.org.ru/test-your-english/.

Иложи борича кўпроқ тестларни имтиҳонга максимал даражада ўхшаш бўлган шароитда ечинг (вақтни белгилаб қўйинг). Шунингдек, тўғри жавобларни бланкага кўчириб ёзишни машқ қилинг.

Шуни ёдда тутингки, тест топшириғида матндаги сўз ва ибораларнинг айнан ўзини топа олмаслигингиз мумкин, саволлар бошқача кўринишда ифодаланади. Бу одам матнда гап нима ҳақида кетаётганини ҳақиқатан ҳам тушуниб етганлигини текшириш учун қилинган.

IELTS’нинг Reading бўлимидаги топшириқлар турларини тушуниб олинг. Шулардан бирига эътиборингизни қаратмоқчимиз. True / False / Not Given туридаги топшириқда False ва Not Given’ни адаштириб юбормаслик муҳим. Биринчи ҳолатда гап матндаги маълумотга зид бўлади, иккинчисида эса — бу ҳақда матнда ҳеч нарса айтилмаганлиги назарда тутилади.

Тайёргарлик кўришда намуна тариқасида берилган матнлардан ташқари, асл матнли адабиётларни ҳам кўпроқ ўқинг, булар Интернет ёки журналлардан олинган турли мақолалар, бадиий асарлар ҳам бўлиши мумкин.

Инглизча нутқни тингланг: субтитрли Америка ва Британия сериалларини томоша қилинг, инглиз тилида гапирувчи видеоблоггерларни кузатинг ҳамда хорижий янгиликлар ва кўрсатувларни кўриб боринг.

Энг асосийси, тилни яхши билган танишларингиз ёки шу тилда сўзлашувчи кишилардан ёрдам сўрашдан уялманг ва қўрқманг. Имкони борича кўпроқ инглизча суҳбатлашинг, мақолалар ўқинг, кўрсатувлар томоша қилинг.