Ўз-ўзингизга берган ваъдаларни қандай бажариш мумкин?
Кўпчилик ўзига-ўзи спорт билан шуғулланишга ёки чекишни ташлашга ёки яхшироқ иш топишга ва шунга ўхшаш ваъдалар беради. Лекин, вақт ўтиши билан ваъдалар бажарилмасдан унутилиб кетади. Агар сиз ҳақиқатан ҳам мақсадингизга эришишни хоҳласангиз, бу мақоламиз ёрдам беради деб умид қиламиз.
Фото: «Actualnews.org»
Битта мақсадни танланг
Қисқа вақт ичида мукаммалликка эришиш учун ўзингизга талабларингизни узундан-узоқ рўйхат қилганингизни тушунса бўлади. Лекин бу мақсадларингизнинг ҳаммасини бир йўла эмас, битталаб ва тартиб билан амалга оширинг.
Вазифаларни бўлакчаларга ажратинг
Айтайлик, сиз озишни хоҳлайсиз. Олдингизда турган: таомномани ўзгартириш, севимли овқатларингиздан воз кечиш ва жисмоний фаолликни ошириш вазифаларини навбати билан бажаришингиз лозим бўлади.
Натижалар билан ўртоқлашинг
Мақсадингизни бирорта яқин кишингизга айтсангиз, муваффақиятга эришиш осонлашади. Бошқа одам олдидаги бурч мотивацияни, эшитилган мақтов эса ўзидан қониқиш ҳиссини оширади.
Тиришқоқликни кучайтиринг
Агар ваъдани бажара олмасангиз, иродангиз кучсизлиги билан ўзингизни оқламоқчи бўласиз, албатта. Лекин, маълум бўлишича, иродани чиниқтириш йўллари ҳам бор экан. Мақсадингизга эришишни чинакамига хоҳласангиз тиришқоқликни кучайтиринг.
Изоҳ (0)