Суяклар соғлом бўлиши учун таркибида кальций моддаси бўлган овқатлар ейиш зарурлиги бизга болаликдан маълум. Лекин, суяклар мустаҳкамлиги фақат кальций моддасигагина боғлиқ эмас. Бу мақоламизда суяклар мустаҳкамлигини таъминловчи 5 та энг фойдали маҳсулотлар тўғрисида айтмоқчимиз.
Фото: «Liveinternet.ru»
Сардина
Сардина балиқлари таркибидаги соғлом омега-3 ёғлари суяк тўқимасини йўқотиш жараёнини секинлаштиради. Шунингдек, бу балиқ таркибида кальций моддасининг организм учун фойдали хусусиятларини оширувчи D витамини ҳам мавжуд.
Исмалоқ
Яшил баргли сабзавотлар, шу жумладан исмалоқ ҳам кальцийнинг табиий манбаси ҳисобланади. Исмалоқ таркибида айнан суяк учун фойдали бўлган озуқа моддалар – магний, К витамини, С витамини ва фитонутриентлар мавжуд.
Ёнғоқлар
Ёнғоқлар гуруҳига кирувчи писта, бодом ва ёнғоқлар суяклар мустаҳкамлигини таъминловчи катта миқдорда магний, кальций, омега-3 ёғлари ва B6 витаминларидан ташкил топган.
Тухум
Суяклар учун муҳим ҳисобланувчи кальций ва D витаминлари манбаларидан яна бири товуқ тухумидир.
Қора олхўри қоқи
Қора олхўри қоқи таркибида ёш ўтиши билан организмда юз берадиган суяк тўқимасини йўқотиш жараёнини секинлаштирувчи антиоксидантларнинг бир тури – полифеноллар мавжуд.
Изоҳ (0)