Агар сиз ҳазм қилиш тизимининг яхши ишламаётганини сезган бўлсангиз, терингизда тошмалар пайдо бўлса ва ҳорғинликни ҳис қилсангиз – бу ҳолат организмни тозалаш вақти келганини билдиради.
Организмни сабзи ва лавлаги ёрдамида тозалаш
Сабзи ва лавлагидан оддий усулда тайёрланадиган, жуда мазали бўлган бу салат қонни, жигарни ва сийдик йўлларини тозалаш хусусиятига эга.Салатни тайёрлаш учун сабзи ва лавлаги тозаланади, йирик қирғичдан ўтказилади. Кейин эса ўсимлик ёғи солиб аралаштирилади.
Организмни тарвуз ёрдамида тозалаш
Тарвуз жигарни тозалайди, сийдик йўлларини эса аъло даражада ювади. Тарвузни қора нон билан бирга истеъмол қилиш ичакларни тозалашга ёрдам беради.Организмни сули ёрмаси ёрдамида тозалаш
Организмни тозалашнинг унча қийин бўлмаган яна бир йўли – мунтазам равишда, айниқса эрталаб сули ёрмасини истеъмол қилиш.Сули ёрмаси енгил ҳазм бўлади, таркиби организмдан заҳарли моддаларнинг табиий равишда чиқиб кетишини таъминловчи кўп миқдорда фойдали минераллар ва витаминлардан ташкил топган.
Организмни қорамтир гуруч ёрдамида тозалаш
Қорамтир гуруч сули ёрмаси каби организмдан заҳарли моддаларни чиқаришга аъло даражада ёрдам беради.Бундай гуручни ҳар қандай овқат билан бирга ейиш мумкин ёки алоҳида услубда қабул қилса ҳам бўлади. Бунинг учун бир ҳафта давомида қуйидаги тартибда истеъмол қилинади:
3 ош қошиқ қорамтир гуруч тайёр бўлгунча қайнатилади ва овқатдан 4 соат олдин ейилади. Гуручни ейишдан олдин 1 пиёла қайнатилган илиқ сув ичилади.
Изоҳ (0)