Ўзбекистон бош вазири ўринбосари Адҳам Икромов 15 февраль куни Фарғонада Қирғизистон бош вазири ўринбосари Жениш Разаков билан учрашув ўтказди, деб ёзади «Газета.uz» Қирғизистон ҳукумати сайтига таяниб.
Учрашувда чегара яқинидаги ҳамкорлик, шунингдек, Ўзбекистон-Қирғистон давлат чегарасини делимитация ва демаркация қилиш масалалари муҳокама қилинди.
Давлат чегарасининг белгиланмаган участкалари бўйича позицияларни мувофиқлаштириш ишларини тезроқ якунлаш зарурлиги таъкидланди.
Бундан ташқари, икки мамлакат ҳукумат делегациялари аъзолари 16 февраль куни Ўш шаҳридаги Бобур номли драма театрида Ўзбекистон ва Қирғизистон ўртасида дипломатик алоқалар ўрнатилганига 24 йил тўлиши муносабати билан ўтказилган тантанали тадбирда иштирок этди.
Изоҳ (0)