Қашқадарё вилоятидаги Талимаржон иссиқлик электр станциясида ҳар бирининг қуввати 450 мегаватт бўлган икки буғ-газ қурилмасини ишга тушириш билан боғлиқ модернизация ишлари якунига етмоқда. Бу ҳақда «Газета.uz» хабар берди.
Буғ-газ қурилмалари биринчи блокининг газ турбинаси ўтган йил августида ишга туширилган, ноябрда эса блокнинг ўзи ҳам комбинациялашган циклда фойланишга топширилган эди.
Ҳозирда қурилмаларнинг иккинчи блокини ишга тушириш-созлаш ишлари якунланди ва бу икки блок қувватини 800 мегаваттгача етказиш имконини берди. Кейинчалик қурилмаларни тўлиқ лойиҳа қувватига етказиш амалга оширилади.
Барча ишларнинг март ойида якунланиши кўзда тутилган, шундан сўнг янги қурилмалар «Ўзбекэнерго» компанияси ихтиёрига топширилади.
Шундан сўнг Талимаржон ИЭСнинг умумий қуввати 1700 мегаваттга етади ва бу билан Ўзбекистоннинг жануби—ғарбий қисмини электр таъминоти яхшиланиши таъминланади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)