Бухоро вилоятида халқ депутатлари Когон шаҳар кенгаши ва Когон туман кенгашининг навбатдан ташқари сессиялари бўлиб ўтди. Бухоро вилояти ҳокимлиги ахборот хизмати хабарига кўра, ҳар иккала сессияда вилоят раҳбари Ўктам Барноев қатнашган.
Шаҳар кенгаши сессиясида ҳам, туман кенгаши сессиясида ҳам ташкилий масала кўрилган. Жумладан, шу вақтгача Бухоро тумани ҳокимининг саноат, капитал қурилиш, коммуникациялар ва коммунал хўжалигини ривожлантириш масалалари бўйича ўринбосари вазифасида ишлаб келган Фарҳод Мардонов Когон шаҳри ҳокими этиб сайланган.
Туман кенгаши сессиясида эса шу вақтгача Олий ва ўрта махсус, касб-ҳунар таълимини ривожлантириш маркази коммунал хўжалик хизмати бошлиғи вазифасида фаолият юритиб келган Йўлдош Жумаев Когон тумани ҳокими этиб сайланган.
Хабар беришларича, Когон туманининг аввалги ҳокими С. Ҳамроев ўз аризасига биноан вазифасидан озод қилинган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)