Жанубий Кореянинг LG Electronics компанияси томонидан ишлаб чиқилган янги LG G6 смартфони UX 6.0 фойдаланиш интерфейси билан жиҳозланган бўлиб, у FullVision® дисплейининг барча имкониятларидан баҳра олиш имконини беради.
18:9 (2:1) нисбатидаги FullVision дисплейи QHD+ (2880×1440 нуқта) ўлчамли бўлиб, 5,7 дюймли экран бурчаклари ярим айлана шаклга эга ва телефоннинг олд қисмини деярли тўлиқ қоплайди. Янги телефон дизайни шундай ишланганки, унда замонавий рақамли ахборотларни кўриш жуда қулай.
FullVision тасвирнинг юқори сифатини таъминлайди. Баландлиги кенгайтирилган катта экран веб-саҳифаларни кўриш ёки электрон китобларни ўқишда кўпроқ маълумотни акс эттиради. Видеороликлар ва компьютер ўйинлар бундай экранда ҳақиқатга жуда яқин кўринади.
Янги интерфейс FullVision экранининг барча имкониятларидан тўла фойдаланишни қулайлаштиради. Масалан:
- кўрилаётган маълумотларни (видеороликлар, веб-саҳифалар) турига кўра акс эттириш форматининг турли хил созламалари;
- камеранинг янада яхшиланган интерфейси 18:9 нисбатидаги экраннинг бутун қисмини қамраб олади, контент олишнинг ажойиб усуллари қўшилган;
- фойдаланувчининг GUI — график интерфейси экранни ёнма-ён иккига ажратиш имконини беради. Бу эса бир вақтнинг ўзида бир неча иловалар билан ишлашни осонлаштиради, почта, мессенжерлар, тақвим ва бошқа иловаларни кузатишни янада қулайлаштиради.
Телефон камерасининг янги функцияси ҳам 18:9 ўлчамли дисплей ёрдамида таъминланган. Энди суратга олиш янада қулай ва қизиқарли. Катта экранда бир вақтнинг ўзида янги суратларни олиш ва олинганларини кўриш ҳам мумкин.
LG UX 6.0 интерфейсида Square Camera (квадрат камера) функцияси мавжуд бўлиб, у экранни иккита бир квадратга бўлади. Бу эса 1:1 нисбатдаги суратлар олиш имконини беради. Бундан ташқари, суратга олишнинг янги Food Mode тартиби пайдо бўлди. Яна анимациялашган, 2 тадан 100 тагача суратлардан gif-файлларни яратиш мумкин.
«FullVision экранли LG G6 телефонини ишлаб чиқишга тажрибали кинематографистларнинг фикрлари туртки берди. Уларнинг фикрича, 18:9 формати — эски киноларни ҳам ва ҳозирги рақамли дунё маҳсулотларини томоша қилиш учун ҳам жуда қулайдир, — деб қайд этган LG Electronics and Mobile Communications Company президенти Жуно Чо. — Биз бу ғояни нафақат янги смартфонимизга жорий этдик, балки бу соҳада янада ривожланиб, 18:9 нисбатидаги экрандан фойдаланишнинг кўплаб усулларини ишлаб чиқдик. Мен LG G6 смартфонининг иш самарадорлиги ошганини мижозлар юқори баҳолашига ишонаман».
LG G6 18:9 нисбатидаги экран имкониятларидан энг максимал даражада фойдаланишга ҳаракат қилади. Эндиликда қўнғироқ ойнасини алоқалар рўйхати ёнида очса бўлади. Суратларни медиаплеерни созлаш чоғида ҳам кўриш мумкин. Бир нечта квадрат суратларни бирлаштириш билан коллажларни ясаш мумкин. Бу ҳали ҳаммаси эмас.
Фойдаланувчи экраннинг ярмида веб-саҳифани кўриши, иккинчи ярмида қайдномаларни киритиши мумкин. «Тақвим» иловасида G6 горизонтал ҳолатга ўгирилганда, унинг экранининг чап томонида тақвим, иккинчисида учрашув ва ҳодисаларнинг тўлиқ жадвали пайдо бўлади. Кўпойнали интерфейс имкониятлари булар билан чегараланмаган.
LG G6 смартфони 26 февраль куни Испаниянинг Барселона шаҳрида бўлиб ўтадиган MWC 2017 кўргазмасида расман тақдим этилади. UX 6.0 интерфейси имкониятлари билан ушбу видео орқали танишиш мумкин:
Реклама ҳуқуқи асосида. Маҳсулот сертификатланган.
Изоҳ (0)