Ўзбекистон Ички ишлар вазирлиги матбуот хизмати ахборотига кўра, Олмалиқ шаҳрида уч номаълум шахс академик лицей ўқувчисини куч ишлатиш йўли билан қўрқитиб, унинг қўлидан iPhone ва Samsung мобил телефонларини тортиб олган ва воқеа жойидан яширинган.
«Олиб борилган тезкор тадбирлар натижасида ушбу талончиликни Олмалиқда яшовчи икки нафар 1998 йилда туғилган ва бир нафар 1996 йилда туғилган шахслар содир этгани тўлиқ фош этилди ва улар қўлга олинди. Мазкур ҳолат бўйича жиноят иши қўзғатилиб, тергов ҳаракатлари олиб борилмоқда», — дейилади вазирлик ахборотида.
Вазирлик матбуот хизмати ўз ахбороти сўнгида ота-оналарга билвосита мурожаат қилган:
Жиноят содир этганлар қонун олдида қилмишига яраша жавоб бериши аниқ, бироқ ота-оналар фарзандларига қиммат (бир эмас, иккита) телефон олиб бермаганида, балки жиноят содир бўлмасмиди... Ўғлининг ҳам халовати бузилмасди.«Дарё»нинг Telegram’даги расмий канали — @toshqindaryo’га аъзо бўлинг!Ўзбекистон ИИВ матбуот хизмати ахборотидан
Изоҳ (0)