Тайванлик қиз Google панорамаларидан марҳум бувасини топди

Тайваннинг Чжанхуа шаҳрида яшовчи Цзя Цзя У Google Street View панорамаларидан марҳум бувасини топди. Бу ҳақда BuzzFeed хабар бермоқда.

Цзя Цзя Унинг буваси 78 ёшида юрак хуружидан вафот этди. Қиз синглиси билан бирга суратлар альбомини тўплашга қарор қилди. Бироқ буваси ҳаётлигида оилавий суратларга кўп тушмаганлиги маълум бўлди.

Қиз марҳум бувасининг суратларини интернетдан қидира бошлади. Шаҳар кўчаларини Google Street View орқали кўздан кечиришганда, панорамаларда бувасини ёрқин сариқ футболкада қутиларни бўшатаётган ҳолатини топди.

Цзя Цзя У мазкур воқеани Facebook’даги гуруҳлардан бирида бўлишди. Ҳикоя бир неча кун ичида ўн мингдан ортиқ «лайк» тўплади.

Google панорамасида қизнинг буваси сабзавотлар қутиларини ташимоқда. У ҳаётининг охирги йилларида уйсиз кучукларни овқатлантириб, уларни парвариш қилган.

«Дарё»нинг Telegram’даги расмий канали — @toshqindaryo’га аъзо бўлинг!