Вертикал боғлари бўлган осмонўпар бинони Хитойнинг Нанкин шаҳрида барпо этишади, деб ёзади Naked Science. У суткасига 25 тонна карбонат ангидрид газини ютиб, 60 килограмм кислород ишлаб чиқариши кутилмоқда.

Архитектор Стефано Боерининг вертикал боғли осмонўпар бинолари лойиҳасини аввалроқ амалга ошириб бўлмайдиган деб ҳисоблашарди. Аммо концепция кенг эътироф этилди ҳамда Италия ва Швейцарияда ҳаётга татбиқ этилди. Бу сафар архитектор янги «яшил» осмонўпар бинони Нанкинда қурмоқчи.

Янги концепт умумий кенг подиумда жойлашган иккита минорадан иборат бўлади, уларнинг баландлиги 200 ва 108 метрга тенг бўлади. Осмонўпар бинолар офис хоналари, меҳмонхоналар, савдо майдонлари, ресторанлар ва кўргазма залларини ўз ичига олади. Баландроқ бинонинг томида хусусий клуб, иккинчисиникида эса бассейн жойлашади.

Иккита бинога жами 600 та баланд ва 500 та ўртача ҳажмдаги дарахт ҳамда 2500 та поғонали ўсимлик ва бута экилади.

Нанкиндаги «Вертикал ўрмон» Nanjing Yang Zi давлат инвестиция гуруҳи буюртмасига кўра барпо этилмоқда. Қурилиш 2018 йилда якунланади.