Хитойнинг Харбин шаҳри ҳайвонот боғига ташриф буюрувчилар Амур йўлбарсларининг семириб кетганига эътибор қаратди. Йиртқичларда юз берган бундай жисмоний ўзгаришнинг аниқ сабаби номаълум. Бу ҳақда, Метро нашрига таяниб, TJournal хабар берди.
Ҳайвонот боғи ходимлари йўлбарслардаги жисмоний ўзгаришларни қишки мавсум билан боғлаган. Қишки мавсумда ҳайвонлар худди айиқ каби семиради. Ҳайвонот боғи вакиллари баҳорда ортиқча вазн йўқолади, деб ҳисобламоқда.
Бироқ ҳайвонлар муҳофазаси бўйича халқаро ташкилот — Born Free Foundation президенти Уил Траверснинг айтишича, йўлбарслар учун бундай вазн ноодатий, уларга шошилинч ёрдам кўрсатиш зарур.
Унинг фикрича, бу ўзгаришлар нотўғри овқатланиш, ҳайвонларга ёмон муносабат ва ҳаётнинг оғир шароитлари ҳақида далолат беради.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)