Тошкентда «Ўзбекистоннинг гастрономик харитаси» лойиҳаси концепцияси тақдимоти бўлиб ўтди. Туризмни ривожлантириш давлат қўмитаси ва Ўзбекистон ошпазлар ассоциацияси лойиҳа ташаббускорлари ҳисобланди, деб хабар беради Norma.
Ўзбекистон ошпазлар ассоциацияси раиси Акбар Умаровга кўра, гастрономик харита, кейинчалик эса гастрономик атлас ёки йўлкўрсатгични тузиш бўйича амалга ошириладиган ишлар уюшманинг туризм соҳаси, унинг янги йўналишларини ривожлантиришга қўшган ҳиссаси бўлади.
Соҳанинг ривожланиши гастрономик турларни алоҳида йўналиш сифатида ишлаб чиқиш ва сотишни тақозо этади. Сайёҳлар палов ёки сомса ҳақида билади, бироқ, айтайлик, Хоразм ёки Фарғона водийсининг беқиёс таомларидан бехабар. Гастрономик харита мамлакатимизнинг ранг-баранглигини очиб бериши лозим.Гастрономик харита ҳар бир минтақа учун алоҳида ишлаб чиқилиши режалаштирилмоқда. Харита рисола кўринишида чоп этилади, шунингдек, уни қўмита порталидан юклаб олиш мумкин, мобил дастур яратилиши ҳам мўлжалланган.Фарангиз Абдуллаева, Туризмни ривожлантириш давлат қўмитаси вакили
Харитани ишлаб чиқишни пойтахтдан бошлашга қарор қилинди. Рўйхатга ассоциация томонидан тавсия этилган, нафақат ўзбек, балки бошқа миллат таомларини ҳам тайёрловчи, турли нарх диапазонларидаги муассасалар кириши кўзда тутилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)