Ўзбекистон Республикаси Президенти Шавкат Мирзиёев қарори билан «Тошкент шаҳри аэропортининг янги халқаро йўловчи терминали (Тошкент-4) қурилиши» инвестиция лойиҳасининг техник-иқтисодий асоси (ТИА) тасдиқланди. Бу ҳақда UzReport хабар бермоқда.
Лойиҳа техник-иқтисодий асоси ишлаб чиқилиши Халқаро ҳамкорлик бўйича Корея агентлиги (KOICA) грант маблағларини жалб этган ҳолда 2016 йил январь— июль ойларида амалга оширилди. Бунинг учун KOICA мазкур соҳада катта тажрибага эга бўлган корейс ташкилотлари — «Инчхон» аэропорти, Heerim, Yooshin, EY Hanyoung ва Корея транспорт институти танлаб олинди.
Лойиҳага кўра, «Тошкент-4» майдони 87 минг квадрат метр бўлиб, соатига 1,5 минг ёки йилига 5,7 миллион йўловчига хизмат кўрсатади. Юқоридан назар ташлаганда терминал ҳумо қушининг ёйилган қанотларини эслатади. 4 қаватли терминал 36 самолётни сиғдирадиган перрон, автомобиллар тураргоҳига эга бўлади. Унинг қурилишига 3 йил вақт кетади ва жорий йилда қурилиш-монтаж ишлари бошланади.
Маълумот учун, 2016 йил декабрида Ўзбекистон Республикаси ҳукумати ва Жанубий Корея Эксимбанки ўртасида лойиҳани амалга ошириш учун EDCF фонди маблағларини тақдим этиш бўйича қарз келишуви имзоланди. Лойиҳанинг умумий қиймати 430,9 миллион долларни ташкил этади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)