Ўзбекистон Республикаси Бош вазирининг ўринбосари, Қишлоқ ва сув хўжалиги вазири Зойир Мирзаев Ханойда Вьетнам президенти Чан Дай Куанг билан музокаралар ўтказди. Бу ҳақда UzDaily хабар бермоқда.
Учрашув чоғида икки томонлама муносабатларни ривожлантириш масалалари муҳокама қилинди.
Мамлакатлар ўртасидаги товар айланмаси 2016 йилда 37,42 миллион долларни ташкил этгани қайд этилди. Вьетнам раҳбари томонлар савдо-иқтисодий ва илмий-техник ҳамкорлик бўйича ҳукуматлараро комиссия доирасида ўзаро алоқаларни ривожлантириш чораларини ишлаб чиқиши лозимлигини таъкидлади.
Чан Дай Куанг Ўзбекистон ва Вьетнам тўқимачилик, фармацевтика, фермерлик, пойабзал ишлаб чиқариш, туризм ва бошқа соҳаларда ҳамкорлик қилиши мумкинлигига эътибор қаратди. Ўз навбатида, Зойир Мирзаев Ўзбекистон Вьетнам билан савдо-иқтисод, молия-инвестиция соҳаларидаги ҳамкорликни кенгайтиришдан манфаатдор эканлигини билдирди.
Зойир Мирзаев Чан Дай Куангга Ўзбекистон Республикаси Президенти Шавкат Мирзиёевнинг мамлакатга ташриф буюриш таклиф этилган мактубини топширди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)