Перулик судья Ричард Консепсьон Каруанчо Бразилиянинг Odebrecht компаниясидан пора олишда гумон қилинаётган мамлакат собиқ президенти Алехандро Толедони ҳибсга олишга ордер берди. Бу ҳақда «ТАСС» хабар бермоқда.
Судья томонидан белгиланган дастлабки қамоқ муддати 18 ойдан иборат. Толедо ҳозирда Францияда бўлиб турибди.
У матбуотга берган бир неча интервьюларида ўзига нисбатан илгари сурилган барча айбловларни инкор этди. Толедонинг уйида тинтув ўтказилди.
Перу ҳуқуқ-тартибот идоралари Толедо ва унинг маъмурияти вакилларини Odebrecht’дан 20 миллион доллар (бундан 11 миллиони шахсан собиқ давлат раҳбари учун) пора олишда гумон қилмоқда.
Бунинг эвазига Бразилия компанияси Перудаги автомагистраллардан бирини қуриш бўйича фойдали шартномани қўлга киритгани билдирилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)