АҚШ президенти Дональд Трамп ва Ироқ бош вазири Ҳайдар ал-Ободий Америка етакчисининг Ироқ фуқароларига ҳам таллуқли бўлган иммиграция фармонини муҳокама қилди. Бу ҳақда «ТАСС» хабар бермоқда.

«Бош вазир фармонда келтирилган давлатлар рўйхатидан Ироқни чиқариб ташлаш ва ироқликларнинг АҚШга сафар қилиш ҳуқуқи масаласини кўриб чиқиш зарурлигини таъкидлади», — дейилади ал-Ободийнинг вакили берган баёнотда.

Вакилга кўра, «Трамп мазкур масала ечимини тез орада топиш учун мувофиқлаштириш муҳимлигини билдирган ва АҚШ Давлат департаментига бу борада кўрсатма беришини ваъда қилган».

Эслатиб ўтамиз, Дональд Трампнинг фармонига биноан Ироқ, Эрон, Яман, Ливия, Сурия, Сомали ва Судан фуқароларининг АҚШ ҳудудига киришига 90 кунлик чеклов ўрнатилган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.