Футбол бўйича Ўзбекистон миллий терма жамоаси Туркиянинг Анталия шаҳрига етиб келди, деб ёзди ЎФФ матбуот хизмати.
Йиғинда иштирок этиши айтилган футболчилар рўйхати билан шу ҳаволада танишиш мумкин. Улар орасида «Насаф» дарвозабони Элдор Суюнов ҳамда «Локомотив» ярим ҳимоячиси Икром Алибоев йўқ. Ҳар икки футболчи жароҳати сабаб Бабаян машғулотларида иштирок эта олмайди. Қайд этиш керак, Элдор Суюнов «Насаф»нинг Осиё Чемпионлар лигасидаги ўйинига боролмай, уни «Спорт» телеканали орқали шарҳлаганди.
Маълумот учун, Ўзбекистон терма жамоаси Туркияда 2 та ўртоқлик ўйинида иштирок этади. 10 февраль куни Россиянинг «Амкар», 11 февраль куни Арманистоннинг «Алашкерт» клубига қарши учрашув бўлиб ўтади.
Изоҳ (0)