2017-yil 8-fevralda “Xalq salomatligi: muammo va dolzarb vazifalar” mavzusida Elektron ommaviy axborot vositalari milliy assotsiatsiyasida bo‘lib o‘tgan ochiq muloqot davomida jurnalistlar tomonidan tug‘uruqxonalarda yangi chaqaloq tug‘ilganda shifokorlarga beriladigan “suyunchi puli” haqida berilgan savollarga Sog‘liqni saqlash vaziri Adham Ikromov javob berdi.
Vazir o‘z javobida masalaning ikki tomoniga e’tibor qaratdi.
Birinchidan, yangi tug‘ilgan farzandning ota-onasi minnatdorchilik bildirish uchun beradigan suyunchini shifokorga emas, mehr-muruvvat uylariga bersa, yaxshiroq bo‘lishi ta’kidlandi.
Ikkinchidan, tug‘uruqxonalarda ishlayotgan shifokorlar va xodimlarninng ish haqi kerakli darajaga ko‘tarilishi zaruriyati mavjudligi aytib o‘tildi.
Bu tibbiyot sohasini tanlagan insonning vijdoni va qalbiga bog‘liq. Davlatimizda yiliga 700 mingdan ziyod tug‘ruq bo‘ladi. Men o‘ylaymanki, insonning dunyoga kelishini hech qaysi davlatda va dinda pul bilan bog‘lab bo‘lmaydi. Bu narsa kafolatlangan va bepul bo‘lishi kerak. Shu yo‘nalishda Sog‘liqni saqlash vazirligi, Moliya vazirligi, boshqa vazirliklarning va jamoatchilik bilan birgalikdagi ishi tug‘ruq muassasalarida ishlaydigan tibbiyot xodimlarining motivatsiya mexanizmini rivojlantirish lozim. Bu motivatsiya mexanizmi ularning oylik maoshi. Ularning oylik maoshi pullik xizmat ko‘rsatadigan sohalardagiga nisbatan 2 – 3 baravar yuqori bo‘lishi kerak. Men o‘ylaymanki, shunda yaqin oylar ichida o‘zgarishlar qilsa bo‘ladi. Biz o‘ylaymizki, bu mablag‘larni iqtisodiyotning boshqa tomonlaridan tug‘ruqxonalarga yo‘naltirish o‘rinli bo‘ladi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.Adham Ikromov, O‘zbekiston Respublikasi Bosh vaziri o‘rinbosari, Sog‘liqni saqlash vaziri
Izoh (0)