Тошкент шаҳридаги Инҳа университети (IUT) 2016—2017-академик ўқув йилининг иккинчи семестридан бошлаб ўзининг талабалари учун корейс тили курсларини очди. Бу ҳақда университет матбуот хизмати хабар берди.
IUT маъмурияти томонидан ўзининг талабалари учун корейс тили курсларини очишига асосий сабабларидан бири сифатида IUT талабаларидан тушган кўплаб таклифларни кўрсатиш мумкин.
Мазкур ташаббус Ўзбекистон Республикасидаги Корея элчихонаси ҳамда Тошкент шаҳридаги Корея Республикаси Таълим маркази томонидан қўллаб-қувватланиши натижасида амалга оширилди. Юқоридаги идоралар Тошкент шаҳридаги Инҳа университетига ўқув материалларини тақдим этди, шунингдек, яқин орада ўқув жараёнини самарали таъминлаш учун замонавий ускуналарни ҳам етказиб беради.
Ҳозирги вақтда корейс тили курслари университетнинг учинчи босқич талабалари учун мавжуд. 2017—2018-академик ўқув йилидан бошлаб эса корейс тили бўйича ўқув дастурлари университетнинг биринчи ва иккинчи босқич талабалари учун ҳам ишлаб чиқилиб, татбиқ этилиши кутилмоқда.
Изоҳ (0)