2017 йил 31 январда FitchRatings халқаро рейтинг агентлиги Universalbank хусусий тижорат акциядорлик банкининг хорижий ва миллий валютадаги узоқ муддатли эмитент дефолти рейтингини CCC даражасидан B- даражасига «барқарор» прогнози билан кўтарди.
Банк рейтинги адекват капитализация, мувозанатлашган ликвидлилик, шунингдек, молиявий натижаларнинг яхшиланишини ҳисобга олади.
Банк бизнесининг кўламлари барқарор суръатлар билан ўсмоқда. Universalbank ХАTБ корпоратив кредит бериш сегментида ўз позициясини сезиларли равишда мустаҳкамламоқда. Баланс ликвидлилиги ҳолати қулай даражада турибди. Банк молиявий фаолият натижалари барқарор тарзда яхшиланганлигини намойиш этмоқда.
Банк ўз фаолиятини кенгайтириш ҳамда аҳолига ва корпоратив мижозларга янада кенгроқ турдаги хизматларни тақдим этиш мақсадларида бизнес жараёнларни ва корпоратив бошқарувни реструктуризация қилиш жараёнидан ўтмоқда.
Реклама ҳуқуқи асосида
Изоҳ (0)