Сардор Рашидов пенальти уролмаган ўйинда «Бунёдкор» «Ал-Жаиш»ни мағлуб этиб, ОЧЛ гуруҳ босқичига йўл олди

Тошкентнинг «Бунёдкор» клуби Осиё Чемпионлар лигасининг қаторасига учинчи мавсумида ҳам саралаш босқичини муваффақиятли босиб ўтди ва гуруҳ босқичига йўлланма олди.

Аввалги икки уринишда Сергей Лушчан бошчилик қилаётган жамоа Амирликларнинг «Ал-Жазира» (2015) ва «Аш-Шабоб» (2016) клубларини мағлуб этишга муваффақ бўлганди. Бу сафар эса Қатарда «Ал-Жаиш» довонидан ўта олди.

«Бунёдкор» футбол клуби тарбияланувчиси бўлган Сардор Рашидов пенальтилар сериясида қатарликларнинг илк зарбасини ноаниқ йўллаб, собиқ клубининг имкониятларини ошириб юборди. Шундан кейин «Бунёдкор»нинг уч футболчиси аниқ зарба берди. Қатарлик яна бир футболчининг зарбасини эса дарвозабон Мурод Зуҳуров ушлаб қолди ҳамда «Бунёдкор»ни гуруҳ босқичига олиб чиқди.

Маълумот учун, «Бунёдкор» гуруҳ босқичида «C» зонасидан жой олган. Бу гуруҳда Саудия Арабистонининг «Ал-Аҳли», Эроннинг «Зобаҳан», БААнинг «Ал-Айн» клублари бор. Шунингдек, Тошкентнинг «Локомотив» клуби ҳам Чемпионлар лигасининг гуруҳ босқичида иштирок этади.

Осиё Чемпионлар лигаси Плей-офф 7 февраль, сешанба

«Ал-Жаиш» (Қатар) — «Бунёдкор 0:0 (пен — 1:3)