Испания кубогининг финалида тўп суриш учун ҳаракат қилаётган Вигонинг «Сельта» клуби ярим финалнинг ўз майдонида кечган биринчи ўйинида Ла лига дебютанти «Алавес»ни таслим қила олмади — 0:0.
Ваҳоланки виголик футболчилар чемпионлик учун асосий даъвогар ҳисобланган Мадриднинг «Реал» клубини турнирдан чиқариб юборганди. «Қироллик клуби» дарвозасига ҳар икки ўйинда ҳам гол урган «Сельта», «Алавес» постини ишғол қила олмади.
Аввалроқ Каталониянинг «Барселона» клуби ярим финалнинг илк ўйинини Мадриддаги «Висенте Калдерон» стадионида ўтказиб, «Атлетико» устидан 2:1 ҳисобида зафар қучишга муваффақ бўлганди.
Испания кубоги Ярим финал 2 февраль, пайшанба
Изоҳ (0)