Трамп Австралия бош вазири билан суҳбатни «мулоқотлар орасида энг расвоси» деб атади

АҚШ президенти Дональд Трамп Австралия бош вазири Малкольм Тернбулл билан режалаштирилган 1 соат ўрнига атиги 25 дақиқа давом этган телефон орқали мулоқотини кун мобайнидаги «энг расвоси» деб атади. Бу ҳақда «Интерфакс» хабар бермоқда.

The Washington Post манбаларига кўра, Америка етакчиси ўтмишдоши Барак Обама Австралия расмийлари билан тузган ва унинг норозилигига сабаб бўлган АҚШга 1250 нафар муҳожирни қабул қилиш муҳокама этилаётган суҳбатни тўсатдан тўхтатиб қўйган.

АҚШ президенти Австралия билан келишув уни «сиёсий жиҳатдан ўлдириши»дан нолиган.

Трамп Тернбуллга шу куни яна 4 нафар дунё етакчиси, жумладан, Россия президенти Владимир Путин билан мулоқот қилгани, бироқ у билан суҳбат энг ёмони бўлганини билдирган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.