АҚШ президенти Дональд Трамп ўтган ҳафта Мексика президенти Энрике Пенья Ньето билан телефон орқали суҳбатида агар қўшни мамлакат қуролли кучлари «ёмон йигитлар»ни жиловлай олмаса, Америка қўшинларини йўналтириш билан таҳдид қилди. Бу ҳақда 1 февраль, чоршанба куни Associated Press агентлиги маълум қилди ва икки давлат етакчилари суҳбатидан парча келтирди, деб ёзади «ТАСС».
«Давлатингизда ёмон йигитлар жуда кўп. Сиз уларни тўхтатиб қолиш учун етарлича ҳаракат қилмаяпсиз. Ҳарбийларингиз улардан қўрқиб қолган кўринади, бизнинг ҳарбийлар эса қўрқмайди, шунинг учун уларни юбора оламан», — деб AP Трампнинг сўзларидан иқтибос келтирганди.
Агентликнинг аниқлик киритишича, Мексика ТИВ ушбу хабарнинг ишончли эканлигини рад этди. AP Оқ уйдан бу масалада изоҳ олишга эришолмади.
Ўз навбатида, The Hill газетаси Оқ уй вакили маълумотига таяниб, АҚШ маъмурияти ҳам Дональд Трамп Энрике Пенья Ньето билан телефон орқали суҳбатида қўшин киритиш билан таҳдид қилганлиги ҳақидаги маълумотни рад этганлигини маълум қилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)