Юнусобод тумани бош имом-хатиби, Тошкент ислом институти ўқитувчиси, «Мирза Юсуф» жомеъ масжиди имом-хатиби Раҳматуллоҳ қори Сайфуддиновнинг айрим санъаткорлар, кулгу усталари ҳақидаги маърузаси ижтимоий тармоқларда фаол тарқалмоқда, деб ёзади «Qalampir.uz».
Маърузада «фаҳш сўзлари»дан фойдаланиб, шу билан тирикчилик қилаётган «баъзи бир гуруҳ»лар танқид остига олинган.
Фақат фаҳш, ўйин сўзлардан фойдаланиб, буни оммавий ахборот воситаларига, телевидение, интернет орқали одамлар эътиборига ҳавола қилиш, шу билан тирикчилик қилишга ўтиб, ўзларини «санъаткор» деб атаётган баъзи бир гуруҳларни кўряпмиз. Бир-икки йил давомида лицензияси олиб қўйилса ҳам, уларнинг кўзи очилмади. Халқнинг, миллатнинг тарбиясини бузадиган шайтонлар улар.Раҳматуллоҳ қори Сайфуддинов, Юнусобод тумани бош имом-хатиби
Имом-хатиб ўз сўзида «одамларни фаҳш йўл билан кулдиришга ҳаракат қилиб, халқнинг маънавиятини бузаётганлар»га қарата Қуръонда ёзилган оятларни келтириб ўтган.
Миллатнинг маънавиятини юксалтириш учун қайғуриб, ҳамма қўлидан келганича хизмат қиляпти. Лекин миллат орасида фаҳшни ёйиш билан дўстлик ҳавола қилинмайди, миллатнинг душмани экани кўрсатилади.«Qalampir.uz»нинг қайд этишича, имом-хатиб ўз маърузасида аниқ бир қизиқчининг исми, бирор кулгу жамоасининг номини тилга олмаган бўлса-да, «айтилган гапларнинг бир учи ‘Миллион’, ‘Дизайн’ кулгу жамоаларига ҳам тегишли эканини англаш қийин эмас».Раҳматуллоҳ қори Сайфуддинов, Юнусобод тумани бош имом-хатиби
Маълумот учун, «Миллион» кулгу жамоасининг 2014 йилдаги концертидан сўнг, гуруҳ саҳнага олиб чиққан кўплаб ҳазиллар жамоатчилик томонидан танқид қилинган ва жамоанинг лицензияси «Ўзбекнаво» томонидан тугатилган эди. Жамоа 2016 йилда лицензиясини қайтариб олди, унинг янги концерти эса яна муҳокамаларга сабаб бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)