Американинг CNN телеканали Россия ва АҚШ президентлари Владимир Путин ва Дональд Трампнинг телефон суҳбати 28 январь, шанба куни бўлиб ўтишини маълум қилди, деб ёзади «ТАСС».
CNN таъкидлашича, ушбу маълумотни унинг маъмуриятдаги манбаси тасдиқлаган. Оқ уй ҳозирча ушбу хабарга изоҳ бергани йўқ.
Россия етакчисининг матбуот котиби Дмитрий Песков 26 январь куни Россия ва АҚШ вакиллари ҳалигача икки мамлакат президентларини телефон орқали суҳбатлашадиган сана ҳақида келишиб олмаганини айтган эди.
Аввалроқ матбуот котиби Путин ва Трампнинг телефон суҳбати Америка янги етакчисининг инаугурациясидан кейин бўлиб ўтиши мумкинлигини қайд этган эди.
Изоҳ (0)