Испания Ла лигасининг 19-турига келиб пешқадам — Мадриднинг «Реал» клуби 3 очко эгасига айланди. «Сантьяго Бернабеу»да «Малага»ни қабул қилган «Қироллик клуби»га ҳимоячи Серхио Рамоснинг 2 та голи ёрдам берди.
Бир тур аввал «Реал» ўз майдонида «Сельта»дан енгилган бўлса, ундан аввалроқ «Севилья»га имкониятни бой бериб қўйган ва 40 та ўйин давом этган мағлубиятсиз сериясига якун ясаганди. «Малага» устидан қозонилган ғалаба «Реал» пешқадамлигини мустаҳкамлади.
Мазкур турнинг кутилмаган натижаси «Вильярреал» — «Валенсия» ўйинида қайд этилди. Совринли ўринлар учун кураш олиб бораётган «сариқ сувости кемаси» ўз ғалабаси билан кучли тўртликка кириб олиши ҳам мумкин эди. Бироқ кутилмаганда мавсум ибтидосидан буён омади чопмаётган «Валенсия» 2 та гол фарқи билан зафар қучди.
Турнинг қолган 5 та учрашуви бугун — 22 январь тунида бўлиб ўтади.
Испани Ла лигаси 19-тур беллашувлари 21 январь, шанба
«Лас-Пальмас» — «Депортиво» 1:1
Голлар: Матео Гарсия, 13 (1:0). Флорин Андоне, 69 (1:1).Четлатиш: Айтами, 77 (Л).«Эспаньол» — «Гранада» 3:1
Голлар: Хосе Антонио Рейес, 11 (1:0). Андреас Перейра, 23 (1:1). Пабло Пьятти, 32 (2:1). Марк Наварро, 48 (3:1).«Реал Мадрид» — «Малага» 2:1
Голлар: Серхио Рамос, 35 (1:0). Серхио Рамос, 43 (2:0). Хуанпи, 63 (2:1).«Алавес» — «Леганес» 2:2
Голлар: Виктор Лагуардия, 11 (1:0). Мигель Анҳель Герреро, 45 (1:1). Эдгар Мендес, 51 (2:1). Пабло Инсуа, 84 (2:2).«Вильярреал» — «Валенсия» 0:2
Голлар: Карлос Солер, 35 (0:1). Санти Мина, 42 (0:2).2 январь, якшанба«Осасуна» — «Севилья»«Атлетик» — «Атлетико»«Бетис» — «Спортинг»«Реал Сосьедад» — «Сельта»«Эйбар» — «Барселона»
Изоҳ (0)