Англия Премьер-лигасининг 22-туридан жой олган 7 та учрашув 21 январь куни ўз якунига етди.
Турнинг энг кутилмаган ўйини «Энфилд» стадионида бўлиб ўтди. Турнир жадвалининг хавфли зонасида бораётган Уэльснинг «Суонси» клубини қабул қилган «Ливерпуль» 2:3 ҳисобида имкониятни бой бериб қўйди. Бунга қадар бўлиб ўтган икки тур давомида Юрген Клопп жамоаси дуранг натижаларга имзо чекканди.
«Суонси»га қарши ўйиннинг биринчи бўлимида ҳисоб очилмаган бўлса, иккинчи 45 дақиқаликда мухлислар 5 та гол кўришга муваффақ бўлди. «Ливерпуль» ўз иродасини кўрсатиб, 2 та гол фарқини йўққа чиқаргандек эди, бироқ беллашувдаги сўнгги гол барибир уэльсликлар томонидан урилди. Мазкур мағлубият ливерпулликларнинг 4-ўринга қараб шўнғишига сабаб бўлиши мумкин.
Кетма-кет 12 та тур давомида мағлуб бўлмаган, бир тур аввал «Ливерпуль» билан дуранг ўйнаган «Манчестер Юнайтед» бу сафар «чилангарлар» майдонида очко йўқотди. «Сток Сити»га қарши ўйинда «Юнайтед» сўнгги дақиқадаги голи эвазига мағлубиятдан қутулиб қолди.
Ливерпулликларга қарши ўйинда Златан Ибраҳимович жамоани қутқарган бўлса, «Сток Сити» билан тўқнашувда Уэйн Руни ўзини кўрсатди ва жамоасини мағлубиятдан асради. Шу тариқа Руни «Юнайтед» сафида энг кўп гол урган тарихий футболчига айланиб олди.
Турнинг марказий ўйини «Манчестер Сити» ва «Тоттенҳэм» клублари ўртасида кечиб, лондонлик футболчилар ўз иродасини намойиш қила олди. Гвардиола бошқарувидаги жамоа 2 та гол фарқи билан олдинда бораётган бўлса-да, якунда «шпорлар» мувозанатни тиклашга муваффақ бўлди — 2:2.
Англия Премьер-лигаси 22-тур беллашувлари 21 январь, шанба
«Ливерпуль» — «Суонси» 2:3
Голлар: Фернандо Льоренте, 48 (0:1). Фернандо Льоренте, 52 (0:2). Роберто Фирмино, 55 (1:2). Роберто Фирмино, 69 (2:2). Гильфи Сигурдссон, 74 (2:3).«Борнмут» — «Уотфорд» 2:2
Голлар: Кристиан Кабаселе, 24 (0:1). Жошуа Кинг, 48 (1:1). Трой Дини, 64 (1:2). Беник Афобе, 83 (2:2).«Вест Бромвич» — «Сандерленд» 2:0
Голлар: Даррен Флетчер, 30 (1:0). Крис Брант, 36 (2:0).«Кристал Пэлас» — «Эвертон» 0:1
Гол: Шеймус Коулмен, 87 (0:1).«Мидлсбро» — «Вест Ҳэм» 1:3
Голлар: Эндрю Кэрролл, 9 (0:1). Кристиан Стуани, 27 (1:1). Эндрю Кэрролл, 43 (1:2). Хонатан Кальери, 90+5 (1:3).«Сток Сити» — «Манчестер Юнайтед» 1:1
Голлар: Хуан Мата, 19-авт (1:0). Уэйн Руни, 90+4 (1:1).«Манчестер Сити» — «Тоттенҳэм» 2:2
Голлар: Лерой Сане, 49 (1:0). Кевин де Брюйне, 54 (2:0). Деле Алли, 58 (2:1). Сон Хён Мин, 77 (2:2).22 январь, якшанба«Саутгемптон» — «Лестер»«Арсенал» — «Бёрнли»«Челси» — «Халл Сити»
Изоҳ (0)