Angliya Premyer-ligasining 22-turidan joy olgan 7 ta uchrashuv 21-yanvar kuni o‘z yakuniga yetdi.
Turning eng kutilmagan o‘yini “Enfild” stadionida bo‘lib o‘tdi. Turnir jadvalining xavfli zonasida borayotgan Uelsning “Suonsi” klubini qabul qilgan “Liverpul” 2:3 hisobida imkoniyatni boy berib qo‘ydi. Bunga qadar bo‘lib o‘tgan ikki tur davomida Yurgen Klopp jamoasi durang natijalarga imzo chekkandi.
“Suonsi”ga qarshi o‘yinning birinchi bo‘limida hisob ochilmagan bo‘lsa, ikkinchi 45 daqiqalikda muxlislar 5 ta gol ko‘rishga muvaffaq bo‘ldi. “Liverpul” o‘z irodasini ko‘rsatib, 2 ta gol farqini yo‘qqa chiqargandek edi, biroq bellashuvdagi so‘nggi gol baribir uelsliklar tomonidan urildi. Mazkur mag‘lubiyat liverpulliklarning 4-o‘ringa qarab sho‘ng‘ishiga sabab bo‘lishi mumkin.
Ketma-ket 12 ta tur davomida mag‘lub bo‘lmagan, bir tur avval “Liverpul” bilan durang o‘ynagan “Manchester Yunayted” bu safar “chilangarlar” maydonida ochko yo‘qotdi. “Stok Siti”ga qarshi o‘yinda “Yunayted” so‘nggi daqiqadagi goli evaziga mag‘lubiyatdan qutulib qoldi.
Liverpulliklarga qarshi o‘yinda Zlatan Ibrahimovich jamoani qutqargan bo‘lsa, “Stok Siti” bilan to‘qnashuvda Ueyn Runi o‘zini ko‘rsatdi va jamoasini mag‘lubiyatdan asradi. Shu tariqa Runi “Yunayted” safida eng ko‘p gol urgan tarixiy futbolchiga aylanib oldi.
Turning markaziy o‘yini “Manchester Siti” va “Tottenhem” klublari o‘rtasida kechib, londonlik futbolchilar o‘z irodasini namoyish qila oldi. Gvardiola boshqaruvidagi jamoa 2 ta gol farqi bilan oldinda borayotgan bo‘lsa-da, yakunda “shporlar” muvozanatni tiklashga muvaffaq bo‘ldi — 2:2.
Angliya Premyer-ligasi 22-tur bellashuvlari 21-yanvar, shanba
“Liverpul” — “Suonsi” 2:3
Gollar: Fernando Lyorente, 48 (0:1). Fernando Lyorente, 52 (0:2). Roberto Firmino, 55 (1:2). Roberto Firmino, 69 (2:2). Gilfi Sigurdsson, 74 (2:3).“Bornmut” — “Uotford” 2:2
Gollar: Kristian Kabasele, 24 (0:1). Joshua King, 48 (1:1). Troy Dini, 64 (1:2). Benik Afobe, 83 (2:2).“Vest Bromvich” — “Sanderlend” 2:0
Gollar: Darren Fletcher, 30 (1:0). Kris Brant, 36 (2:0).“Kristal Pelas” — “Everton” 0:1
Gol: Sheymus Koulmen, 87 (0:1).“Midlsbro” — “Vest Hem” 1:3
Gollar: Endryu Kerroll, 9 (0:1). Kristian Stuani, 27 (1:1). Endryu Kerroll, 43 (1:2). Xonatan Kalyeri, 90+5 (1:3).“Stok Siti” — “Manchester Yunayted” 1:1
Gollar: Xuan Mata, 19-avt (1:0). Ueyn Runi, 90+4 (1:1).“Manchester Siti” — “Tottenhem” 2:2
Gollar: Leroy Sane, 49 (1:0). Kevin de Bryuyne, 54 (2:0). Dele Alli, 58 (2:1). Son Xyon Min, 77 (2:2).22-yanvar, yakshanba“Sautgempton” — “Lester”“Arsenal” — “Byornli”“Chelsi” — “Xall Siti”
Izoh (0)