АҚШнинг янги президенти Дональд Трампга қарши Америкада норозилик билдираётганлар билан ҳамфикрлик рамзи сифатида ўн минглаб одамлар Лондон марказидаги намойишда қатнашди. Бу ҳақда «ТАСС» хабар бермоқда.
Намойиш иштирокчилари АҚШнинг Лондондаги элчихонасидан Трафалгар майдонига қадар «Деворлар эмас, кўприклар қуринг!» шоирини баралла айтганча юриш уюштирди.
Акция қатнашчиларининг қўлларида «Трампни тўхтатинг!», «Нафратни йўқотиб, сиёсатни тўғрилаймиз», «Расизмга — йўқ, Трампга — йўқ» каби ёзувлар туширилган плакатлар бор эди.
Хабар беришларича, намойишчилар сафига Лондон мери Содиқ Хон, британиялик актриса Ребекка Холл, Лейбористлар партиясидан сайланган депутатлар Иветт Купер ва Харриет Харман ҳам қўшилган.
Намойиш ташкилотчиларининг ҳисоб-китобларига кўра, акцияда 80 мингга яқин одам қатнашган.
Бундай норозилик намойишлари бутун Бюк Британия бўйлаб, хусусан, Белфаст, Кардифф, Эдинбург, Ланкастер, Лидс, Ливерпуль ва Манчестер шаҳарларида ҳам бўлиб ўтган.
Эслатиб ўтамиз, АҚШнинг 45-президенти Дональд Трамп 20 январь куни ўз ваколатларини бажаришга киришган эди. Бу вақт Вашингтонни бир қисмини Трампнинг мухолифлари томонидан уюштирилган оммавий тартибсизликлар қамраб олган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)