Фотогалерея: Дунёдаги энг хунук йўлтанламаслар

«Мотор» нашри дунёдаги энг хунук 8 йўлтанламаснинг суратларини жамлади ва улар ҳақида маълумот берди.

ВЛФ Х-Series

Мана шу машина ВЛФ Х-Series деб номланади. Chevrolet Colorado’нинг платформаси ушбу йўлтанламаснинг асоси қилиб олинди. ВЛФ Х-Series 321 от кучига эга 6 цилиндрли ҳажми 3,6 литрга тенг двигатель билан жиҳозланган.

ВЛФ Яқин Шарқда сотиш учун мўлжалланган. Унинг тахминий нархи 70 минг долларга тенг.

Studebaker

Ишониш қийин, аммо бу Studebaker – 1902 йилда автомобилларни ишлаб чиқарган Американинг машҳур бренди. Компания сўнгги машинани 1966 йилда ишлаб чиқарган, 2000 йиллар бошида эса турар жой савдоси билан шуғулланадиган Avanti Мотор Comпанй бренднинг ҳуқуқини сотиб олди.

Бу 2003 йили Чикаго автосалонида намойиш этилган йўлтанламас консепти. Модельни Ford Super Duty пикапи асосида яратиш кўзда тутилган эди.

Knight XV

Канаданинг Conquest Vehicles компанияси Knight XV номли автомобилни ишлаб чиқарган. Машина кузови пишиқ пўлатдан, қанот ва бамперлар эса шиша толадан ясалган. Автомобиль ойнаси қалинлиги 64 миллиметрли мустаҳкам шаффоф материалдан ишланган.

Conquest Vehicles’нинг иккинчи модели Evade деб номланади. Унинг энг оддий комплектацияси 500 минг доллар туради.

Ёуабиан Puma

Ушбу ғалати машина Ёуабиан Puma деб номланади. Биринчи марта автомобиль 2013 йили Лос-Анжелесдаги автосалонда намойиш этилган.

Ёуабиан Puma пластик жарроҳ Ками Юабиан буюртмасига асосан ишланган ва нархи қарийб 1,1 миллион долларга тенг бўлган.

Ланcиа Delta

Йўлтанламасга айлантирилган Ланcиа Delta спорткари. Бундай чиройли машинани хунук ҳолатга келтириш кимнинг ҳаёлига келган?

Ҳақиқатдан ҳам машинанинг кўриниши аянчли. Мазкур сурат Монакода олинган.

Rally Fighter

Local Motors компанияси Rally Fighter номли икки кишига мўлжалланган спорт йўлтанламасини ишлаб чиқарган. Йўлтанламас 430 от кучига тенг 8 силиндли ҳажми 6,2 литр бўлган двигателга эга.

Бундай автомобиллар шахсий буюртма асосида ишлаб чиқарилади. Ҳозир ҳам Rally Fighter’ни сотиб олиш мумкин.

Ford Power Stroke

Power Stroke номли йўлтанламас Ford компанияси томонидан 1994 йили намойиш этилган. Машина ўша пайтлар учун янги бўлган 7,3 литрли дизел моторини намойиш қилиш учун ўйлаб топилган.

3 йил аввал машина ким ошди савдосида 32,5 минг долларга сотилганди.

Dartz

Машҳур Dartz йўлтанламаси «Диктатор» фильмида суратга тушган. Кинокартина учун бир нечта автомобиль ясалган, кейин эса худди фильмда каби бўлган 10 та машина сотувга қўйилган.

Ҳар бир машина учун 500 мингдан 750 минг долларгача сўрашган. Якунда нечта Dartz сотилгани номаълум.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.