Актриса Зарина Низомиддинова отаси — Ўзбекистонда хизмат кўрсатган артист Шаҳбоз Низомиддиновни хотирлаб, у билан бирга ижро этган ягона роли ҳақида сўзлаб берди. Бу ҳақда актриса Instagram’даги саҳифасида ёзган.
«Darakchi.uz»нинг ёзишича, актриса 1990 йилларда хит бўлган, унинг катта опаси Моҳинур ва акаси Шоҳрух томонидан куйланган «Карате-карате» номли қўшиқнинг клипи ҳақида сўз юритган.
Биринчи ролимни шу клипда ижро этган эканман. Дадам ҳаётликларида клипда ҳам, кинода ҳам бирга суратга тушиш насиб этмади. Аммо, эътибор бериб қарасам, ижодимни айнан дадажоним билан мана шу клипдан бошлаган эканман. Ўша дамда отажонимнинг қўллаб-қувватлаганликлари шу кунгача ёрдам бериб келяпти. Отажоним, жойингиз жаннатдан бўлсин. Доим қалбимизда, юрагимиздасиз!Зарина Низомиддинова, актриса
Ўзбекистонда хизмат кўрсатган артист Шаҳбоз Низомиддинов 2015 йил 23 апрель куни 69 ёшида вафот этган эди. У афсонавий «Ялла» ансамбли асосчиларидан бири эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)