Криштиану Роналду: Афсуски, «Барселона» футболчилари тақдирлаш маросимида биз билан бўлмади

Мадриднинг «Реал» ва Португалия терма жамоаси ҳужумчиси Криштиану Роналду The Best совринини қўлга киритгач, ўз таассуротлари билан ўртоқлашди.

«Мен учун овоз берган мураббийлар, жамоа сардорлари ва журналистлардан миннатдорман.

Мен ФИФА совринини биринчи бор ютаётганим йўқ. Бироқ The Best совринига илк бор эга чиқмоқдаман. Бунинг учун биринчи навбатда «Реал»даги жамоадошларим ва мураббийга раҳмат айтаман. Шунингдек, ўз оилам ва онамга, мен учун ишлаган барча ходимларга раҳмат.

2016 йил карьерамдаги энг яхшиси бўлди. Менда қандайдир шубҳалар бор эди, бироқ қўлга киритилган ютуқлар барча нарсани ҳал қила олди. Бу йилни ҳеч қачон унутмайман. Мен бахтлиман.

Афсуски, «Барселона» футболчилари бу ерда биз билан бирга бўла олишмади. Бироқ мен уларни тушунаман.

Криштиану Роналду, 2016 йилнинг энг яхши футболчиси