Таътил ёки байрамлар вақтида организм одатдаги ишчанлик кайфиятини йўқотади ва дам олишга, эрталаб кеч туришга, умуман бошқа режимга ўрганиб қолади.
Агар сиз курортдан қайтсангиз...
Яхшиси ишга чиқишдан 3 кун олдин қайтганингиз маъқул. 3 кун давомида йўл чарчоқларидан кейин ўзингизга келасиз ва шароитга мослашасиз. Иш режимига аста-секин киришиш ва бутун ҳафта давомида ишламаслик учун ҳафта ўртасида ишга чиқишни олдиндан режалаштиринг. Ўрганиш осон бўлиши учун ишга чиқишдан олдинги кунлар иложи борича ўз вақтида уйқуга ётиб, ўз вақтида туришга ҳаракат қилинг. Эрталабки севимли мусиқа ва мазали нонушта ҳам иш кунини яхши бошлашга ёрдам беради.Байрамлардан кейин
Кўтаринки байрам кайфиятидан меҳнат жараёнидаги ғамгин кайфиятга ўтиш қийинроқ кечади. Аччиқ шоколад, банан, маврак (шалфей) дамламаси ва мультивитаминлар кайфиятни ва фаолликни кўтаришга ёрдам беради.Иш ҳажмини биринчи кундан эмас, балки кун сайин ошириб боринг. Ишдан қайтишда тоза ҳавода пиёда юришга ҳаракат қилинг.
Иш кунини столингизни йиғиштиришдан бошласангиз ишчанлик кайфиятини уйғотишга ёрдам беради.
Дам олишдан кейинги бироз руҳий сиқилиш кайфияти – оддий ҳол ҳисобланади. Агар бу ҳолат давом этаверса ухлашдан олдин шифобахш ўтлардан тайёрланган тинчлантирувчи чой ёки қайнатма ичинг.
Изоҳ (0)