Япониянинг Сеулдаги элчиси Ясумаса Нагаминэ ва Пусандаги бош консул Ясухиро Моримото Жанубий Кореяни 9 январь, душанба куни тарк этади. Улар Пусандаги бош консуллик қаршисида япон босқини даврида жинсий зўравонлик қурбони бўлган корейс аёлларига ҳайкал ўрнатилиши муносабати билан Токио томонидан чақириб олинганди. Бу ҳақда «ТАСС» хабар бермоқда.
«Бундай ҳаракатлар икки томонлама муносабатларга салбий таъсир кўрсатади, буни қабул қилиб бўлмайди. Биз Жанубий Корея томонига мазкур масалани тегишли тартибда ҳал этиш таклифи билан бир неча бор мурожаат этгандик, бироқ бунга ҳеч қандай жавоб бўлмади», — дея таъкидлади Япония вазирлар маҳкамаси бош котиби Ёсихиде Суга.
Шунингдек, Токио валюта алмашинуви бўйича маслаҳатлашувларни тўхтатиш, иқтисодий масалалар юзасидан музокараларни қолдиришга қарор қилди.
Жанубий Корея ташқи ишлар вазирлиги мазкур воқеалар муносабати билан Япония элчисини чақиртирди, шунингдек, Токионинг қарорини «ўта ачинарли» деб баҳолади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)