Жанубий Кореяга қочиб ўтган шимоллик собиқ дипломат Тхэ Ён Хе КХДРнинг 2017 йили АҚШга зарба беришга қодир ядро каллакли баллистик ракета яратиш режаси ҳақида маълум қилди, дея хабар беради «Интерфакс».
«Шимолий Корея 2017 йили ёки 2018 йил бошида кичрайтирилган ва АҚШга етиб бориши мумкин бўлган ракеталарга жойлаштириладиган ядро зарядларини яратишни ўз олдига мақсад қилиб қўйган. Бунда Жанубий Корея ва Қўшма Штатлардаги сиёсий ўзгаришлар ҳам инобатга олинади», — дея таъкидлади Тхэ Ён Хе.
Олдинроқ КХДР етакчиси Ким Чен Ин миллатга Янги йил табригида қитъалараро баллистик ракета яратилиши якуний босқичга кирганини маълум қилганди.
Изоҳ (0)