Франциянинг Ўзбекистондаги элчихонаси, Campus France агентлиги ҳамда Тошкент француз альянси 12 январь соат 10:30 дан 17:30 гача «Францияда олий таълим олишга бағишланган кун» ўтказади. Тадбирга талабалар, хусусан, олий таълим муассасасининг охирги курсида таҳсил олаётган ва ўқишини Францияда давом эттирмоқчи бўлган ёшлар таклиф этилади. Бу ҳақда Франциянинг Ўзбекистондаги элчихонаси матбуот хизмати маълум қилди.
Тадбирнинг расмий очилишидан сўнг (унда Франциянинг Ўзбекистондаги элчиси Виолен де Вильмор иштирок этиши кутилмоқда) қуйидаги кўргазма стендлари қатнашчилар эътиборига ҳавола этилади:
- Олий таълим ва тематик йўналишлар (соғлиқни сақлаш, туризм, ҳуқуқшунослик, мода, дизайн, давлат бошқариш ва бошқалар);
- Шахсий маслаҳатлар;
- Француз тилидан тестлар;
- Франция минтақалари.
- 19 январь: Резюме ва мотивацион хат ёзиш;
- 24 январь: Ҳужжатлар тўпламини тайёрлаш;
- 31 январь: Резюме ва мотивацион хат тайёрлашнинг қўшимча хусусиятлари.
Изоҳ (0)