Таиландда Янги йил байрами кунлари йўл-транспорт ҳодисалари оқибатида 478 киши ҳалок бўлди

Таиланда Янги йил байрами кунлари йўл-транспорт ҳодисалари оқибатида 478 киши ҳалок бўлди. Бу ҳақда «Интерфакс» хабар бермоқда.

Статистика маълумотларига кўра, ЙТҲ қурбонлари саноғи 30 январдан бошланди. Ҳалок бўлганларнинг умумий сони 2016 йилнинг биринчи ҳафтаси кўрсаткичларидан (380 киши) деярли 100 кишига кўп.

Йўл-транспорт ҳодисаларига асосан транспорт воситаларини маст ҳолда бошқариш сабаб бўлган. Салкам 4 мингта аварияда мотоциклчилар иштирок этган.

Таиландда 29 декабрь — 4 январь кунлари транспорт воситаларини маст ҳолда бошқаргани учун 67 мингдан ортиқ киши ҳибсга олинди, 4 мингга яқин транспорт воситаси мусодара этилди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.