«Челси» мавсумдаги учинчи мағлубиятини қабул қилиб олди. Лондон дербисини «Уайт Харт Лэйн»да ўтказган Антонио Конте жамоаси ўз дарвозасидан 2 та гол ўтказиб юборди ва бунга жавоб қайтара олмади.
Бу «Тоттенҳэм»нинг кетма-кет бешинчи ғалабаси бўлди ва клуб турнир жадвалида «Челси» ҳамда «Ливерпуль»дан кейин учинчи ўринга кўтарилиб олди. Жамоанинг 20 ёшли ярим ҳимоячиси Деле Алли кетма-кет учта турда дубл қайд этишга муваффақ бўлди.
Маълумот учун, томонларнинг «Челси» майдонида кечган ўйинида «аристократлар» 2:1 ҳисобида муваффақият қозонганди. Мазкур тур доирасидан ўрин олган дастлабки учрашувлар, «Манчестер Юнайтед»нинг ўйини ва кейинги ўйинлар натижасини келтирилган ҳаволалар орқали билиш мумкин.
Бунга қадар кетма-кет ғалабалар сони бўйича «Арсенал»нинг 14 талик серияси рекорд бўлиб турганди. «Челси» эса буни такрорлай олмади.
Шу билан Англия премьер-лигасида Boxing Day ўз якунига етди ва жамоалар 14 январь санасига қадар таътилга чиқди.
Англия премьер-лигаси 20-тур беллашуви 4 январь, чоршанба
«Тоттенҳэм» — «Челси»
Голлар: Деле Алли, 45+1 (1:0). Деле Алли, 54 (2:0).
Изоҳ (0)