Покистоннинг Хайбар-Пахтунхва вилояти, Дараисмоилхон шаҳрида юз берган портлаш оқибатида камида 17 киши, жумладан, 5 нафар полициячи жароҳатланди. Бу ҳақда «ТАСС» хабар бермоқда.
The Express Tribune нашрига кўра, йўл четига ўрнатилган қўлбола портловчи қурилма мобил полиция патрули ўтиб кетаётган чоғда ҳаракатга келтирилган. Ҳуқуқ-тартибот ходимларидан ташқари яқин атрофдаги ўткинчилар, жумладан, икки аёл ва бир бола ҳам яраланди.
Ҳодиса жойи полиция томонидан қуршаб олинган, текширув олиб борилмоқда. Ҳозирча ҳеч бир террорчи гуруҳ портлаш учун жавобгарликни зиммасига олмади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)