Футбол бўйича Испания кубогининг 1/8 финал беллашувларига старт берилди ва 3 январь куни унинг доирасидаги 4 та ўйин бўлиб ўтди.
5 кун олдин бош мураббий Чезаре Пранделли тарк этган «Валенсия» ўз майдонида «Сельта»ни қабул қилиб, 1:4 ҳисобида имкониятни бой берди. Ла Лигада валенсияликлар 17-ўринни эгаллаб турган бўлса, Виго клуби 13-ўриндан жой олганди.
Чемпионатда сўнгги ўринда бораётган «Осасуна» клуби ҳам чорак финалдан умидини узиши мумкин. Ўз майдонида «Эйбар»га йирик ҳисобда имкониятни бой берган жамоа, жавоб ўйинида катта қийинчиликка дуч келади.
Шунингдек, Мадриднинг «Атлетико» клубига рақиб бўлган «Лас-Пальмас» ҳам имкониятларини камайтириб юборди. Коке ва Антуан Гризманн томонидан урилган голлар «Атлетико»нинг ¼ финал сари қадамини тезлаштирди.
Испания кубоги ғолиблиги учун асосий даъвогар «Реал» ҳамда «Барселона» кетма-кет икки кун давомида майдонга тушади. 4 январь оқшомида «Реал» ўз уйида «Севилья»ни қабул қилса, эртасига «Барселона» Бильбаога ташриф буюради.
Испания кубоги 1/8 финал 3 январь, сешанба
«Валенсия» — «Сельта» 1:4
Голлар: Яго Аспас, 3-пен (0:1). Тео Бонгонда, 14 (0:2). Даниэль Васс, 19 (0:3). Даниэль Парехо, 58-пен (1:3). Йон Гвидетти, 75 (1:4).«Осасуна» — «Эйбар» 0:3
Голлар: Нано, 28 (0:1). Бебе, 75 (0:2). Адриан Гонсалес, 90 (0:3).«Лас-Пальмас» — «Атлетико» 0:2
Голлар: Коке, 23 (0:1). Антуан Гризманн, 51 (0:2).«Депортиво» — «Алавес» 2:2
Голлар: Кристиан Сантос, 3 (0:1). Эдгар Мендес, 45+2-пен (0:2). Бруно Гама, 73 (1:2). Хоселу, 90+3 (2:2).4 январь, чоршанба«Алькарон» — «Кордоба»«Реал Сосьедад» — «Вильярреал»«Реал Мадрид» — «Севилья»
5 январь, пайшанба«Атлетик» — «Барселона»
Изоҳ (0)