Байрам кунлари вазн тўпламаслик учун нима қилиш керак?
Ноз-неъматлар билан лиқ тўлдирилган Янги йил дастурхонига қандай қилиб бефарқ қарай оласиз? Ҳам лаззатланиб, ҳам семириб кетмасликнинг йўли борми?
Фото: «Likar.info»
Ҳиссиётга берилиб еб қўйманг
Кайфиятингиз ёмон бўлса асабларингизни тинчлантириш мақсадида ёки ейиш билан тангликни бартараф этмоқчи бўлсангиз бирорта кам қувватли егуликни, масалан апельсинни танланг.
Байрамдан сўнг озишга сўз берманг
Бу кўп ва зарарли овқатланишни чегараловчи қоидаларни бузади. Ўзингизни қўлга олишга ҳаракат қилинг ва вазннинг тез-тез ўзгариб туриши соғлиқ учун зарарли эканлигини унутманг.
Кечки овқат олдидан очиқиб қолманг
Кун бўйи овқатланмасдан юриб кечқурун кўп нарса еб қўйиш оқибати ҳазм қилиш органларида муаммо туғилишига олиб келади. Яхшиси, кун давомида одатдагидек овқатланинг ва кечки овқатдан бир соат олдин бирор енгилроқ таом ( йогурт, олма ёки салат) истеъмол қилинг.
Шошилмасдан енг
Организм учун фойдали бўлган таомларни ақл-фаросат билан танланг ва шошилмасдан маза қилиб енг.
Йиғилган қувватни сарф қилинг
Албатта, байрам кунлари спорт залига боришга вақт бўлмайди. Янги йил байрамини фаол равишда ўтказишга ҳаракат қилсангиз, ортиқча вазн тўғрисида ташвишланиб ўтирмайсиз.
Изоҳ (0)