Аёл кишига туҳфа қилиб бўлмайдиган совғалар

Аёлларнинг туғилган кун ёки Янги йил байрами учун қандай совғани хуш кўришларини ҳар доим ҳам билиб бўлмайди. Лекин баъзи нарсаларни ҳеч қачон ва ҳеч кимга совға қилиб бўлмайди. Булардан баъзиларига диққатингизни қаратмоқчимиз.

Озиш учун воситалар

Ўзининг гавдасидан хавотирга тушиб парҳез қилиб юрган аёлларга озиш учун таблеткалар, антицеллюлит кремлар ва ҳеч қачон тарози совға қилманг.

Ажинга ва ҳуснбузарга қарши кремлар

Аёл кишига совға қилиб бўлмайдиган нарсалар рўйхатини барча ташқи кўриниш камчиликларини бартараф қилувчи, айниқса ажинлар ва ҳуснбузарларга қарши косметик воситалар давом эттиради.

Сувенирлар

Совға қилиш мумкин бўлмаган нарсалардан яна бири – стандарт сувенирлар. Ўйинчоқ айиқчалар, фотосурат учун рамкалар, совитгич устига магнитлар – сийқаси чиққан, зерикарли ва кераксиз совғалар.

Кийим-кечак

Совға эгасининг дидини ва ўлчамини аниқ билмасангиз, яхшиси кийим-кечаклар ҳадя қилиш фикридан кечганингиз маъқул.

Атир ва косметика

Атир ва косметикадан унчалик хабардор бўлмасангиз, сотувчилар маслаҳатига ишониб харид қилиб ўтирманг.