Anzhuo инсайдер ресурси Xiaomi’нинг навбатдаги тақдимотига таклифнома слайдини чоп этди, деб ёзади «Hi-tech.mail.ru». Унда Xiaomi Mi6 намойиш қилиниши керак.
Расм максимал даражада лўнда бўлиб, янги смартфоннинг хусусиятлари ёки дизайнига алоқадор ишоралар йўқ. Бироқ тақдимот санаси мавжуд — 2017 йил 14 февраль. Бундан ташқари, таклифномада катта 6 рақамини кўриш мумкин: бу тақдимотда айнан Xiaomi Mi6 намойиш этилишига ишора қилади.
Аввалроқ инсайдерлар Xiaomi Mi6 Snapdragon 835 процессори базасидаги биринчи смартфонга айланишини маълум қилган эди. Смартфон бир неча хил версияларда чиқиши мумкин. Улар бир-биридан чипсетлари билан фарқланади: Snapdragon 835’дан ташқари, Pinecone ва Heliо X30’дан ҳам фойдаланилади.
Қурилма 6 гигабайтгача тезкор ва 64 Гб доимий хотира, 20 мегапикселли асосий ва 12 мегапикселли олд камера, 5,2 дюймли экран, 4000 мА/соат сиғимли аккумуляторга эга бўлиши тахмин қилинмоқда.
Смартфоннинг чиқарилиши ҳақида июлдаёқ хабар қилинган эди. Ўшанда унинг нархи 500 доллар атрофида бўлиши айтилган эди.
Изоҳ (0)