Халқ депутатлари Сурхондарё вилояти Кенгашининг навбатдан ташқари сессияси бўлиб ўтди. Унда Ўзбекистон Президенти Шавкат Мирзиёев иштирок этди. Бу ҳақда «Дарё»га расмий ишончли манбалар маълум қилди.
Сессия давомида ташкилий масала кўриб чиқилди. Ўзбекистон раҳбари вилоят кенгаши депутатларига Эркин Турдимов номзодини тақдим этди. Депутатлар Турдимовнинг номзодини қўллаб-қувватлади.
Навоий вилоятининг собиқ ҳокими Эркин Турдимов 2015 йилнинг январидан бери вилоят ҳокими лавозимида ишлаб келаётган Тожимурод Мамараимовнинг ўрнини эгаллади. Мамараимов ўз навбатида вилоятнинг Қизириқ тумани ҳокими этиб тасдиқланди.
Турдимов Эркин Оқбўтаевичнинг таржимаи ҳоли
Туғилган йили: 1969 йил, Самарқанд вилояти, Қўшработ тумани.Миллати: Ўзбек
Маълумоти: Олий, 1991 йилда Тошкент халқ хўжалиги институтини тамомлаган. Мутахассислиги иқтисодчи.
Ўзбекистон Республикаси Олий Мажлиси Сенати аъзоси, халқ депутатлари Навоий вилояти Кенгаши депутати.
2006 йилда «Меҳнат шуҳрати» ордени билан мукофотланган.
Оилали, уч нафар фарзанди бор.
Меҳнат фаолияти:
1991—1993 йй. — «Ўзсаноатқурилишбанки» Сирдарё филиали қарз режа бўлими мутахассиси, инвестиция қурилиш ва таъминот ташкилотларини молиялаштириш ва қарз бериш бўлими бош мутахассиси, пул муомаласи бўлими бошлиғи ўринбосари;
1993—1995 йй. — «Ўзсаноатқурилишбанки» Зарафшон бўлими бошқарувчиси;
1995—1996 йй. — Зарафшон шаҳар ҳокими ўринбосари;
1996—2000 йй. — Ташқи иқтисодий фаолият Миллий банкининг Навоий бўлими бошқарувчиси;
2000—2008 йй. — Хатирчи тумани ҳокими;
2008—2008 йй. — Ўзбекистон Республикаси Қишлоқ ва сув хўжалиги вазирининг қишлоқда иқтисодий ислоҳотлар масалалари бўйича биринчи ўринбосари;
2008—2016 йй.— Навоий вилояти ҳокими.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)