«Социалистлар партияси» етакчиси Игорь Додон расман Молдова президенти деб эътироф этилди. Давлат раҳбари сайлови натижаларини тасдиқлаган мамлакат Конституциявий суди 13 декабрь, сешанба куни тегишли қарор қабул қилди. Бу ҳақда «Интерфакс» хабар бермоқда.
Конституциявий суд шу тариқа овоз бериш натижаларини шубҳа остига олган Додоннинг сайловлардаги рақиби Майя Санду эътирозларини инобатга олмади. Суд Санду кўрсатиб ўтган сайлов жараёнидаги камчиликлар, жумладан, хорижда сайлов участкаларининг етарли бўлмагани овоз бериш натижаларига таъсир ўтказмаган, деб топди.
Сайловлардан сўнг Додон партия раислиги ваколатини зиммасидан соқит қилди. У биринчи расмий ташрифи Москвага бўлишини билдирган.
Сайланган президентнинг инаугурация маросими 23 декабрда бўлиб ўтади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)