Tajan кимошди савдо уйи Парижда италиялик рассом Леонардо да Винчининг шу пайтгача номаълум бўлган, қиймати 15 миллион долларлик картинасини топди, деб ёзади TJournal.
Американинг Метрополитен музейи куратори Кармен Бамбах унинг ҳақиқийлигини тасдиқлади ва бу ғаройиб кашфиёт эканлигини маълум қилди.
Сурат 12 декабрь куни кимошди савдосига тақдим этилган. Картинани отасидан мерос сифатида олган истеъфодаги француз врачи уни савдога қўйган.
Унда авлиё Себастьяннинг азоб-уқубатлари акс эттирилган. У ҳақда Леонардо да Винчи «Атлантика кодекси» манускриптида эслатиб ўтган.
Кармен Бамбахнинг сўзларига қараганда, картина 1482—1485 йилларга мансуб бўлиб, муаллифнинг Миланда яшаган даврига тўғри келади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)