Корея Республикаси президенти Пак Кин Хе парламенда тайёрланаётган импичмент атрофидаги вазиятга изоҳ бермаяпти, деб ёзади «ТАСС». Мамлакат етакчиси 6 декабрь куни ҳукмрон партия вакиллари билан учрашув ўтказган вақтдан буён омма олдида кўриниш бермади.
Ўшандан бери Пак Кин Хе Сеулдаги қароргоҳини тарк этгани йўқ, аммо аввалроқ у шу ҳафта халққа яна бир марта мурожаат қилиб чиқиш ниятини билдирган эди. Ўз мурожаатида у атрофидаги коррупция можароси борасидаги тафсилотларни ошкор қилиши ва ўзи ихтиёрий тарзда истеъфога чиқадиган муддатни айтиши кутилаётган эди.
Бироқ «Сэнури» партияси фракцияларидан бири импичмент учун овоз бериш нияти ҳақида эълон қилгач, Пак Кин Хе ушбу режаларидан воз кечди.
Аввалроқ Жанубий Корея парламенти депутатлари мамлакат президенти Пак Кин Хенинг импичменти бўйича овоз бериш ўтказишга қарор қилган эди. Овоз бериш 9 декабрь куни ўтказилиши мумкин. Импичмент амалга ошиши учун 300 депутатдан 200 нафари овоз бериши лозим.
Изоҳ (0)