АҚШнинг сайланган президенти Дональд Трамп NBC телеканалидаги юлдузлар хайрия учун пул тўплайдиган Celebrity Apprentice шоусида фаолиятини давом эттиради. У бир неча йил мазкур дастур бошловчиси эди, энди эса продюсер сифатида меҳнат қилади. Бу ҳақда CNN манбаларига таяниб, «РБК» хабар бермоқда.
Шоунинг янги мавсумида Калифорниянинг собиқ губернатори Арнольд Шварценеггер бошловчилик қилади, лекин титрларда Трампнинг фамилияси машҳур актёр номидан олдинроқ пайдо бўлади. NBC Трампнинг телеканалдаги фаолияти ва бунинг учун маош олиш-олмаслиги ҳақидаги маълумотларни расман тасдиқламади.
2015 йили шоу муаллифи Майк Бернетт муҳожирларга нисбатан билдирган фикрларини танқид қилиб, Трампдан йироқлашишга ҳаракат қилди. Бироқ, The New York Times маълумотларига кўра, ўшандан бери улар келишиб олишга улгурган, Бернетт эса АҚШнинг янги президенти инаугурация маросими сценарийсини тайёрлашда иштирок этиши мумкин.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)